Harga diri

 Harga diri

Sekarang viral di media sosial

Dan masih terjadi sampe sekarang

Nona-nona yang cantik macam kasturi

Yang manis macam babes gula 

Yang indah macam senja

Mar masih bakalai

 tagal laki-laki di muka umum

Kamong tu gaco,kamong tar pantas kejar laki-laki. 

Inga harga diri seorang perempuan lebih tinggi dari laki-laki

Jang tagal satu laki-laki biking kamong ilang seribu harga diri.

Cari laki-laki yang tepati janji,

bukan ingkar janji

Cari laki-laki yang ajar kamong arti cinta

Bukan ajar kamong cara luka

Memang luka tu perlu biar tau cara obati patah 

Mar sapa jua mau dapa kasluka tiap saat

Maka itu,

Jang bodoh dalam hal cinta

Nona-nona kamong tu istimewah

Seperti bunga sakura yang di jepang

Yang hanya memiliki satu lahan 

Yang mampu menumbuhkan cinta yang sempurnah

Beta cuman mo bilang!!

Jaga kamong harga diri

Sebagaimana mama kasbasar kamong

Jang tagal taku dapa kastinggal kamong kase harga diri 

Barenti!!

Cuman gara-gara satu laki-laki yang seng tau hargai parampuang kamong bakalai tagal dia, 

Tuang ampong ee...

beta kadang nonton kamong  

Beta tatawa mar abis itu beta terluka

Beta bayangkan itu beta sodara,

Itu beta pacar atau beso-beso  jadi masadepan

Patah manara dalam nona

Ingaa.. woe

Inga kamong tu gaco

Kamong  bukan ikang makang

Kamong tu sajadah

Yang nanti jadi berkah

Par katong laki-laki

Jang tagal taku dapa kastinggal

 kamong kase harga diri

Tidak semua laki-laki  sama

Ada yang tulus mencintai

Dan ada yang cuman keperluan mata.

Jadi yang tadi beta cuman bisa menasehati lewat puisi

Beta jua sadar diri

Mungkin aku adalah orang yang menyediakan bahu untukmu 

Tetapi bukan seseorang yang membuatmu rindu.

Dangkeee"